Pello Otxandiano EH Bilduko lehendakarigaiak solasaldia eskainiko du Galdakaon

TESTUA: Irati Alonso García
ARGAZKIA: EH Bildu

Apirilaren 21ean antolatuko dira Eusko Legebiltzarrerako hauteskundeak eta alderdiak hasi dira haien proposamenak aurkezten. Martitzenean, martxoak 19, Pello Otxandiano EH Bilduko lehendakarigaiak solasaldia eskainiko du Galdakaon, Torrezabal Kultur Etxean.

Iñigo Urkullu lehendakariak iragarri zuenez, apirilaren 21ean antolatuko dira Eusko Legebitzarrerako hauteskundeak. Urkulluk agur esango dio lehendakaritzari eta hauteskundeen ondoren jakingo dugu nor izango den hurrengo gobernuaren burua.

Hauteskundeetarako kanpaina ofizialki hasi ez den arren, alderdiak hasi dira haien proposamenak ezagutzera emateko ekitaldiak prestatzen.

Martitzenean, martxoak 19, Pello Otxandiano EH Bilduko lehendakarigaia Galdakaon izango da. Saioa Torrezabal Kultur Etxean izango da 19:00etan eta parte-hartzaileek Otxandianorekin solasean ibiltzeko aukera izango dute.