Usansoloko jaietako Kuadrilen Txapelketarako izen ematea maiatzaren 7an izango da
TESTUA: Irati Alonso García
ARGAZKIA: Jon Gomez Garai
Aurten ere Kuadrilen Txapelketa antolatuko du Lamintxu Gazte Asanbladak Usansoloko jaietan. Maiatzaren 7a izango da izena emateko eguna, haurreskolaren ondoko lokalean 19:00etan.
Tradizio bihurtu da jada Usansoloko jaietan Kuadrilen Txapelketa eta aurten ere antolatuko du Lamintxu Gazte Asanbladak. Taldeak sare sozialen bitartez iragarri duenez, txapelketan izena emateko eguna maiatzaren 7a izango da, haurreskolaren ondoko lokalean 19:00etan.
Kuadrilen Txapelketan herriko gazteek onena eman ohi dute proba ezberdinetan irabazten saiatzeko eta oraingoan ere horrela egingo dute. Probetako bat, urtero moduan, jaitsiera izango da eta aurten maiatzaren 12an izango da Meatzetako aparkalekuan.
Jaitsierako irabazleek hurrengo sariak izango dituzte:
- 1.postua: 150 euro eta txapelketarako 8 puntu
- 2.postua: 100 euro eta 7 puntu
- 3.postua: 50 euro eta 6 puntu
- Parte hartzea: 5 puntu
Puntuazioari dagokienez, Lamintxuk adierazi du kuadrilek maiatzean lortuko dituzten puntuak azaroko probetan eskuratutakoei gehituko zaizkiela.
