Usansoloko kudeaketa batzorde berria martxan da
TESTUA: Irati Alonso García
ARGAZKIA: Usansolo Herria
Atzo, urriak 5, eratu zen Usansoloko Udalaren funtzioak egingo dituen kudeaketa batzorde berria. Usansolo Herria plataformako zortzi kidek, EAJ-PNVko bik eta EH Bilduko batek osatu dute, maiatzaren 28an antolatu ziren udal-hauteskundeen emaitzak oinarri hartuta. Albiste honetan batu ditugu kudeaketa batzordea osatuko duten kideen izenak.
Pasa den maiatzaren 4an eratu zen Usansoloko Udalaren funtzioak egiten dituen kudeaketa batzordea. EAJren hiru eta Usansolo Herria plataformaren zortzi kiderekin osatu zen, Agustin Aizpuru zela burua.
Talde bakoitzaren kide kopurua 2019ko udal-hauteskundeen emaitzen arabera zehaztu zuen Hauteskunde Batzorde Zentralak, Binkek jaso zuen moduan.
Maiatzaren 28an antolatu ziren udal-hauteskundeen emaitzen ondorioz ordea alderdi bakoitzaren ordezkari kopurua aldatu da, EAJ-PNVk bat galduz eta EH Bilduk bat irabaziz.
Kudeaketa batzorde hau horrenbestez Usansolo Herria plataforma zortzi kidek, EAJ-PNVko bik eta EH Bilduko batek osatuko dute. UHk Diego Ortega, Enrique Barrenetxea, Javier Aurrekoetxea, Alvaro Ruiz, Jose Angel Garcia, Julen Urgoiti, Maria Angeles Barañano eta Agustin Aizpuru aukeratu ditu.
EAJren aldetik aldiz Gorka Aranak eta Iñigo Bilbaok osatzen dute batzordea eta EH Bilduk Ariane Elejabarrieta hautatu du.
Atzo, urriak 5, eratu zen kudeaketa batzorde berria Agustin Aizpuru aukeratuz berriz buru bezala. Txapelena baserrian egindako bilera publikoan egin zen, hainbat eta hainbat herritar batu ziren hitzorduan.
