Uxue Urgoiti palista usansolotarra, Bizkaia Kupeko txapeldunorde
TESTUA: Irati Alonso García
ARGAZKIA: Olarreta Pilota Elkartea
Apirilaren 4an Bizkaia Kupeko finalak jokatu ziren Elorrioko Hilario Azkarate frontoian eta Paleta Gomaz A kategorian Uxue Urgoiti palistak parte hartu zuen. Usansolotarra txapeldunorde izan zen bere kide Irati Saezekin batera.
Elorrioko Hilario Azkarate frontoiak Bizkaia Kupeko finalak hartu zituen apirilaren 4an, emakumezkoen Paleta Gomaz A, Paleta Gomaz B eta Paleta Gomaz C kategorietan. Guztira hiru partida jokatu ziren, 18:30etik aurrera.
Paleta Gomaz A kategorian Olgetan eta Olarretak jokatu zuten finala eta azken talde hau Uxue Urgoiti usansolotarrak (ezkerrean) eta Irati Saezek osatu zuten.
Bikoteak ezin izan zuen garaipena lortu eta ondorioz Bizkaia Kupeko txapeldunorde dira. «Txapelketa bikaina neskak! Aupa Olarreta», adierazi dute taldetik.
