Uxue Urgoiti usansolotarrak GRABNI pilota txapelketa irabazi du

TESTUA: Irati Alonso García
ARGAZKIA: Binkeri bidalitakoa

Urtero jokatzen den GRABNI pilota txapelketa lehiatu zen pasa den zapatuan Gasteizen eta honetan parte hartu zuen Uxue Urgoiti usansolotarrak, Bizkaiko selekzioarekin. Pilotariak txapelketa irabaztea lortu zuen bere kide Naroa Zulaikarekin batera, bikote gipuzkoarrari 30-22 irabazi ostean.

Urtero jokatzen da GRABNI pilota txapelketa Gipuzkoa, Errioxa, Araba, Bizkaia, Nafarroa eta Iparralderen artean. Aurtengo edizioa pasa den zapatuan lehiatu zen Gasteizen, eta dozenaka pilotari batu zituen hitzorduak.

Parte-hartzaileen artean izan zen Uxue Urgoiti usansolotarra. Larrabetzuko Olarreta pilota eskolako kirolariak Bizkaiko selekzioarekin parte hartu zuen txapelketa irabaztea lortu zuen bere bikotekide Naroa Zulaikarekin batera. Bikote gipuzkoarra 30-22 garaitu zuten zapatuan eta horrenbestez txapeldun bihurtu ziren.

Bizkaiko selekzioa orokorrean ere GRABNI pilota txapelketako garailea izan da aurten, hamabost txapela lortu ostean.